1ܣܵܒܵܒ ܟܠ ܓܘܼܪܵܐ ܕܟܵܗܢܹ̈ܐ ܕܡ̣ܢ ܒܲܢܝ̈ܢܵܫܵܐ ܦܵܝܸܫ ܫܩܝܼܠܵܐ؛ ܡ̣ܢ ܓܹܒܵܐ ܕܒܢܲܝ̈ܢܵܫܵܐ ܟܹܐ ܦܵܝܸܫ ܡܘܼܬܒܼܵܐ ܥܲܠ ܕܐܵܢܝܼ ܫܘܼܠܹ̈ܐ ܕܝܼܢܵܐ ܕܐܲܠܵܗܵܐ؛ ܕܡܲܩܪܸܒܼ ܩܘܼܪ̈ܒܵܢܹܐ ܘܕܸܒܼܚܹ̈ܐ ܡܒܵܕܵܠ ܕܚܛܝܼܵܬܹ̈ܐ؛ 2ܗ̇ܘ ܕܟܹܐ ܡܵܨܹܐ ܗܵܘܹܐ ܡܪܲܚܡܵܢܵܐ ܥܲܠ ܕܐܵܢܝܼ ܕܠܹܐ ܝܲܕܥܝܼ ܘܚܵܠܛܝܼ؛ ܣܵܒܵܒ ܐܘܼܦ ܗ̇ܘ ܒܙܲܒܘܼܢܘܼܬܵܐ ܟܪܝܼܟܼܵܐ ܝܠܹܗ. 3ܘܣܵܒܵܒ ܕܗ̇ܝ ܘܵܓ̰ܸܒ ܝܼܠܵܗ̇؛ ܐܲܝܟܼ ܡ̣ܢ ܓܹܒܵܐ ܕܛܵܝܸܦܵܐ؛ ܗܲܕܟܼܵܐ ܐܘܼܦ ܡ̣ܢ ܓܹܒܵܐ ܕܓܵܢܹܗ؛ ܕܡܲܩܪܸܒܼ ܡܒܵܕܵܠ ܚܛܝܼܵܬܘܼ̈ܗܝ. 4ܘܠܹܐ ܝَܠܵܗ̇ ܕܠܓܵܢܹܗ ܐ݇ܢܵܫܵܐ ܟܹܐ ܫܵܩܸܠ ܐܝܼܩܵܪܵܐ؛ ܐܸܠܵܐ ܗ̇ܘ ܕܦܵܝܸܫ ܩܸܪܝܵܐ ܡ̣ܢ ܐܲܠܵܗܵܐ؛ ܕܵܐܟܼܝܼ ܕܝܼܗ݇ܘܵܐ ܐܲܗܪܘܿܢ. 5ܗܲܕܟܼܵܐ ܐܘܼܦ ܡܫܝܼܚܵܐ ܓܵܢܹܗ ܠܵܐ ܚܩܸܪܹܐ ܕܗܵܘܹܐ ܗ݇ܘܵܐ ܓܘܼܪܵܐ ܕܟܵܗܢܹ̈ܐ؛ ܐܸܠܵܐ ܗ̇ܘ ܕܐَܡܝܼܪܹܗ ܐܸܠܹܗ؛ ܒܪܘܼܢܝܼ ܝܘܸܬ؛ ܐܵܢܵܐ ܐܸܕܝܘܿ ܡܘܼܠܸܕܠܝܼ ܐܸܠܘܼܟܼܼ؛ 6ܐܲܝܟܼ ܕܐܘܼܦ ܒܕܘܼܟܬܵܐ ܐܚܹܪ݇ܬܵܐ ܐَܡܝܼܪܹܗ؛ ܐܲܢ݇ܬ ܝܼܘܸܬ ܟܵܗܢܵܐ ܠܐܵܒܵܕ؛ ܒܪܹܐܙܵܐ ܕܡܲܠܟܝܼܙܕܸܩ. 7ܗ̇ܘ ܕܒܝܵܘܡܵܢܹ̈ܐ ܕܒܸܣܪܹܗ ܦܲܪܦܲܠܬܵܐ ܘܢܵܘܢܵܝܬܵܐ ܒܡܲܩܘܲܚܬܵܐ ܚܲܝܠܵܢܬܵܐ ܘܒܕܸܡܥܹ̈ܐ ܡܘܼܩܪܸܒܼܠܹܐ ܠܗ̇ܘ ܕܡܵܨܹܐ ܗ݇ܘܵܐ ܡ̣ܢ ܡܵܘܬܵܐ ܦܵܪܸܩ ܗ݇ܘܵܐ ܠܹܗ؛ ܘܦܸܫܠܹܗ ܫܸܡܥܝܵܐ؛ ܒܗ̇ܝ ܕܙܕܸܥܠܹܐ ܡ̣ܢ ܐܲܠܵܗܵܐ؛ 8ܘܐܵܦܸܢ ܒܪܘܼܢܵܐ ܗ݇ܘܵܐ؛ ܡ̣ܢ ܚܲܫܹ̈ܐ ܕܩܘܼܒܸܠܹܗ ܝܠܸܦܠܹܐ ܠܡܲܨܝܲܬܬܵܐ. 9ܘܟܲܕ ܦܸܫܠܹܗ ܡܘܼܟܡܸܠܵܐ؛ ܗ݇ܘܹܐܠܹܗ ܣܵܒܵܒ ܕܦܘܼܪܩܵܢܵܐ ܕܠܥܵܠܲܡ ܠܟܠܵܝܗܝ ܐܵܢܝܼ ܕܡܲܨܝܸܬܝܼ ܐܸܠܹܗ؛ 10ܘܦܸܫܠܹܗ ܡܫܘܼܡܗܵܐ ܡ̣ܢ ܐܲܠܵܗܵܐ؛ ܓܘܼܪܵܐ ܕܟܵܗܢܹ̈ܐ ܒܪܹܐܙܵܐ ܕܡܲܠܟܝܼܙܕܸܩ. 11ܕܒܵܗ݇ܣ ܕܝܼܹܗ ܪܵܒܵܐ ܗܹܡܸܙܡܵܢ ܐܝܼܬ ܠܹܐܡܵܪܵܐ؛ ܘܥܲܣܩܵܐ ܠܦܵܫܘܿܩܹܐ؛ ܣܵܒܵܒ ܕܗ݇ܘܹܠܵܘܟܼܘܿܢ ܝܵܩܘܿܪܹ̈ܐ ܒܫܡܵܥܝܬܵܘܟܼܘܿܢ. 12ܣܵܒܵܒ ܟܲܕ ܘܵܓ̰ܸܒ ܝܼܗ݇ܘܵܐ ܐܸܠܵܘܟܼܘܿܢ ܠܸܗܘܵܝܵܐ ܡܲܠܦܵܢܹ̈ܐ ܡܣܵܒܵܒ ܕܙܲܒܼܢܵܐ؛ ܡܸܢَܕܪܸܫَ ܣܢܝܼܩܹܐ ܝܬܘܿܢ ܕܐ݇ܢܵܫܵܐ ܡܵܠܸܦ ܠܵܘܟܼܘܿܢ ܡܘܼܕܝܼ ܝܢܵܐ ܐܸܣܛܘܼܟܼܣܹ̈ܐ ܕܪܹܫܵܐ ܕܗܹܡܸܙܡܵܢܹ̈ܐ ܕܐܲܠܵܗܵܐ؛ ܘܗ݇ܘܹܠܵܘܟܼܘܿܢ ܐܲܝܟܼ ܣܢܝܼܩܹܐ ܥܲܠ ܚܲܠܒܼܵܐ؛ ܘܠܵܐ ܥܲܠ ܡܹܐܟܼܘܼܠܬܵܐ ܩܘܼܝܼܬܵܐ. 13ܣܵܒܵܒ ܟܠ ܐ݇ܢܵܫܵܐ ܕܡܹܐܟܼܘܼܠܬܹܗ ܚܲܠܒܼܵܐ ܝܠܹܗ؛ ܠܹܐ ܝܠܹܗ ܒܵܠܵܕ ܒܗܹܡܸܙܡܵܢ ܕܙܲܕܝܼܩܘܼܬܵܐ؛ ܣܵܒܵܒ ܝܵܠܵܕَܐ ܙܥܘܿܪܵܐ ܝܠܹܗ. 14ܐܝܼܢܵܐ ܡܹܐܟܼܘܼܠܬܵܐ ܩܘܝܼܬܵܐ ܕܟܵܡܝܼ̈ܠܹܐ ܝَܠܵܗ̇؛ ܐܵܢܝܼ ܕܒܝܼܸܕ ܡܲܦܠܲܚܬܵܐ ܪܹ̈ܓܼܫܵܝ ܬܘܼܥܠܡܹܐ ܝܢܵܐ ܠܸܦܪܵܫܵܐ ܛܵܒܼܬܵܐ ܘܒܝܼܫܬܵܐ.